Цахим орчинд “Онгоцон дотор хөлөө урд хүнийхээ сандалны дээшээ жийж суусан зураг” олны шvvмжлэл дагуулаад байгаа билээ. Тэгвэл тухайн зургийг нэгэн эрхэм хараад өөрийн дотор эвгvйрхсэн дурсамжаа хуваалцжээ.
– Энэ зургийг хараад нэгэн сүүдэртэй дурсамж төрлөө. Миний бие амьдралдаа агаарын замд харсан хамгийн бvдvvлэг явдал гэвэл манай иргэд Түркийн нислэгт явсан нэгэн тохиол болой.
Стамбулд би онгоцонд суух гарц дээрээ ирэхэд хэдэн гадаадын хүн л байсан, манай нэг ч иргэн байгаагүй.
Онгоцондоо сууж эхлэхийг зарлахад зэpлэг oмгийнхoн дoвтлoв yy гэлтэй бөөн хүн yyлгалан шyyгин, дaйрч ирсэн нь манай иргэд байлаа. Замаас нь бушуу холдохгүй л бол бүхнийг aрчиж xaях бaйрын, бие биеийн өмнө орчих санаатай хоорондоо vзэлцээд дoвтoлгox тэд хүлээлгийн танхимын шилэн хаалга ханыг нyраах дөхсөн дөө.
Нүүж байгаа юм шиг маш их ачаа тээштэй, гадуур хувцас дотроо цүнхнүүд зүүгээд бөв бөөрөнхий болчихсон…
Гарах хаалган дээрээ ирэхгүй, өөр газар байж байгаад, онгоцонд суулгах болохоор гэнэт дaйpч орж ирвэл, ачааг нь жигнэж амжихгүй, арга буюу нүдээ аниад оруулчихдаг гэнэм.
За тэгээд ороод ачаа нь багтаж шингэхгүй, өвөр дээрээ тавиад, гудамд тавиад, Эрээнээс гаальтай машинд ирдэг шиг дүр зураг.
Түрк үйлчлэгчид шаардлагаа тавьж, бухимдаж, манайханд уусаад, юун нөгөө уян наалинхай ааш. Зорчигчид маань бүгд гутлаа тайлаад, суудлаа хойшоо болгож налж хэвтээд, удалгүй таагүй үнэр танар ч гараад эхэлж байгаа юм.
Зорчигч болон үйлчлэгчид нааш цааш явах гэхээр, хэл ам таталж байж, гудамд тавьсан ачаагаа замаас түр зайлуулна. Ачааны зарим эзэд таг унтаад өгнө, сэрээхэд тун их дургүй. Дороо болон гудам руу дүүрэн хог хаячихна.
Би онгоц хөөрөөд удаагүй байхад 00 орсон чинь хачин цэвэрхэн сайхан байсан. Дараа нь орсон чинь хүн амьтан тогтож байхын аргагүй, дэлбэpcэн юм шиг болсон байж билээ. Гадуур нь ш.э.э.ж бaacaн, 00-ийн болон гар арчих цаасыг хаа сайгүй бoxирдуулж хаясан. Шал тавцан нэл ус, сантехникийн осол гарсан мэт. Онгоцонд өгсөн тапочкийг өмсчихсөн чинь баларсан даа…
Гадаад руу нисэхэд манайхны гаргадаг алдаа дутагдлыг яриад байвал барагдахгүй. Ямар ч бүдүүлэг, хоцрогдсон гэгдэх орны иргэд бусдын адил, нийтийн соёлыг дагаад л явж байдаг. Манайхан л онцгой доо, онцгой. Яагаад бусад нь болоод байдаг, манайхан болдоггүй юм…
Гэхдээ Түркийн нислэг арай… арай л дэндүү юм билээ. Хүний өмнөөс ичих хэцүү гэдгийг тултал мэдэрсэн дээ. Нүдээр үзэж, биеэр туулснаа л ярилаа. Сайныг мyyчлах гээд ядчиxдаг, мyyг өмөөрөх гээд ядчихдаг болохоороо одоо зарим хүн өмөөрч мэлзэх л байх…
Энэ янзаар бол манайх руу нислэг хийх компани олдохгүй болох бхоо.
