Сэтгүүлч Н.Өнөрцэцэг зам тээврийн ослоор нас барсан 30 настай А бүсгүйн ар гэрийнхэн болоод 3 хүүхдийг байртай болгох хандивын аян эхлүүлсэн бол сайхан сэтгэлт Монголын ард түмний хүчээр одоогоор 190 сая төгрөг хүрээд байна.
Энэ талаар Н.Өнөрцэцэг өөрийн албан ёсны цахим хуудаснаа:
Хандивт нэгдсэн халуун сэтгэлт та бүхэндээ талархлаа, өчигдөр орой эхэлсэн аян амжилттай хэрэгжиж хэдхэн цагийн дотор 190 сая төгрөг цуглалаа. За 2 өрөө байрны ханш харлаа. Хангалттай. 200 сая төгрөг хүргээд хандивын аянаа зогсооё, хандив өргөсөн бүх хүмүүстээ талархаж нэвтрүүлэг бэлтгэнээ, баярлалаа
30 настай бүсгүйн амь насанд хүрсэн тэр жолооч хохирогчийн ар гэрийнхэнд 100 төгрөг ч өгөөгүй. Нэг удаа очсон тэгэхдээ нэг хонь, 3 хүүхдэд гурван пүүз, 3 цүнх л өгсөн.
Зам тээврийн ослоор нас барсан 30 настай А бүсгүйг согтуу явж байгаад осолд ороод нас барсан гэж гүтгэлээ. Шүүх эмнэлгийн дүгнэлт дээр согтуурлын зэрэг “0” байдаг юм аа. 3 хүүхдийг өнчрүүлчихээд, эд эрхтэнг нь тонуулчихаад дайрч алсан үйлдэлдээ харамсахгүй байна.
Талийгаачийг дайрч хөнөөсөн приус 20 маркийн автомашины жолоочийн өмгөөлөгч Х.Улам-Оргил сэтгүүлч Өнөрцэцэг намайг гүтгэж, миний нэр төр сэвтлээ гээд цагдаад хандаж байгаа юм байна. Дайраад алчиж байна, 3 хүүхдийг нь өнчрүүлж байна, эд эрхтэнг нь тонож, тэгээд гүтгэсээр… яачихсан хүмүүс юм бэ та нар…
Ер нь тэгээд согтуу бсн ч дайрч алах ёсгүй шүү дээ!!!
