… Жүжигчин Брэд Питтийн гол дүрд тоглосон, хөгшин хүн болж төрөөд амьдралынхаа туршид залуужсан “Бенжамин Баттоны нууцлаг түүх” гэх Америк киног хүн бүхэн мэддэг.
Гэвч уг кинонд уг чанарыг тайлбарлаагүй бөгөөд, энэ кино баатар нялх хүүхэд болж, аль хэдийн хөгширсөн хайрт хүнийхээ гар дээр хэвтсэнээр дуусдаг. Харин бодит амьдрал дээр Бенжамин Баттоны өвчин байдаг. Гэвч дээрх кино шиг дуусдаггүйгээрээ, маш их өвдөлт шаналал, сэтгэл санаа ер хүний амьдралд байж болох бүхий л аз жаргалаас хязгаарлагдмал гэдгээрээ маш их ялгаатай бөгөөд эмгэнэлтэй юм.
Энэ өвчин бол одоогоор эмчлэгдэх ямар ч аргагүй бөгөөд, хэдий ховор ч гэсэн дэлхийн өнцөг булан бүрт төрсөөр л… Энэ өвчин дотроо 80 гаруй төрөл байдаг ба дэлхийн хэмжээнд 350 хүн өвдсөнөөс энэ х.а.р.а.а.л и.д.с.э.н өвчнөөр 132 бяцхан зүрх тарчилж байгаа юм.
Эхэээс төрөхдөө л хөгшин төрөх, эсвэл төрсөний дараа хурдацтай арьс нь үрчийж хөгшрөлт явагдах.,. үгүй бол 2-3 насандаа хурдацтай хөгшрөх шинж тэмдэг нь илэрдэг энэ өвчнийг прогери гэх бөгөөд, ховор тохилдох генетикийн гажиг гэж үздэг байна. Энэ өвчний дундаж наслалт 13 жил ба, ерөнхийдөө 7-27 наслах боломжтой ч насанд хүрсэн тохиолдол бараг байдаггүй ч 27 жилийн түүхэн амжилтыг эвдэн, 45 жил амьдарсан ганцхан хүн байдаг нь Японы иргэн гэнэ.
Ийм өвчтэй хүүхэд төрсөн цагаасаа эхлэн нүүр нь хавдсан, арьс нь үрчийж, унжсан байдаг. Тэд ихэвчлэн 13 насандаа зүрхний шигдээс, цус харвалт гээд настай хүний өвчнөөр ө.ө.д. болдог. Дотор эрхтэн нь 80-90 жил насалсан хөгшин хүн мэт үйл ажиллагаа маш муу байдаг.
Бяцхан үр нь ингэж төрсөн тохиолдолд хөөрхий аав ээж нь яаж ийгээд эмчлүүлэх хүсэл мөрөөдлөөр бусад мөрөөдлөө сольж үргэлжийн сэтгэл санааны хямралд амьдардаг гэхэд хилсдэхгүй. Учир нь хүүхдийг нь харсан болгон з.э.в.ү.ү.ц.э.х, айн ширвээтэх юу ч биш. Бяцхан үр нь аливааг ойлгож мэдрэх, толинд өөрийгөө харж мэддэг болсон цагаасаа эхлэн зүрх эмтрэм олон асуултаар булж, гомдоллож эхэлнэ.
Гэхдээ энэ юу ч биш. Цэцэрлэгт ихэвчлэн авахгүй тохиолдол их. Харин сургуульд орсон тэр мөчөөсөө эхлэн генетикийн гажгаас болж гаднах төрх нь хэт хөгшин харагдах бяцхан хүү (охин) үеийнхэндээ а.д.л.а.г.д.а.н, д.о.р.о.м.ж.л.о.л сонсч, элдвийн хоч зүүж, байнгын шоолсон т.о.х.у.у.р.х.с.а.н инээлдсэн үйлдлийг бяцхан сэтгэл зүй нь тэсэх хэрэгтэй болдог.
Ингээд тэдний зовлон бас л дуусахгүй ээ!! Бяцхан бие сэтгэл нь бусдын хачирхаж эвгүйцсэн харцнаас дальдчиж өсөхөөс гадна, тэдний ихэнхи нь тэсэхийн аргагүй өвдөлтийг ө.ө.д б.о.л.т.л.о.о мэдэрдэг. Энэ өвчний 80 гаруй төрлийн дийлэнхи нь үе мөчний байнгын өвдөлтийг мэдрүүлдэг ба үлдсэн хувь нь ч бас бусад зовиурыг мэдэрдэг.
Хамгийн эмгэнэлтэй нь энэ өвчнийг эмчлэх эм байдаггүй. Гэхдээ эдгээр хүүхдүүд болон, тэдний эцэг эх найдвараа алддаггүй байна. Ээж аавуудын хэлдэг үг бол: -Бид эдгэрэх найдвараар л амьдардаг….
Харин 7 настай Анжали Аав ээж 2 минь хэзээ нэгэн цагт бүх зүйл сайхан болно гэж үргэлж хэлдэг. Гэхдээ энэ өвчин намайг үргэлж зовоодог. Би бусад хүүхэд шиг энгийн царайтай болохыг биш, зүгээр л бие минь өвдөлтгүй амьдрахыг л хүсч байна” гэж хэлсэн байдаг.
Сургууль дээр охиныг минь д.о.р.о.м.ж.и.л.с.о.н хоч өгч, үргэлж түүнийг шоолж инээдэг. Охинд минь үнэхээр хэцүү байна. Харахад ийм зүстэй ч тэр минь жаахан хүүхэд шүү дээ. Бид эмч нараас тусламж хүссэн боловч тэд эмчлэх цорын ганц найдвар нь зөвхөн гадаадад л байх болно гэж хэлдэг. Гэтэл манай гэр бүлийн сарын цалин нь ердөө 70- н доллар болохоор амьжиргаагаа ч олигтой залгуулж чадахгүй байна гэж Энэтхэгийн прогери өвчтэй охины аав асар их гунигтайгаар ярьж байлаа.
Энэ поргери гэх аймшигтай өвчнөөр 8 сая хүүхэд тутмын, нэг нь ийм өвчтэй төрдөг байна. Насанд хүрсэн хүн ч өвчилдөг боловч тэд ихэвчлэн арьсны элдэв хортой хоргүй хавдар, бусад зовиураар өвддөг гэнэ. Энэхүү оноштой хүүхдүүд ихэвчлэн 13 насандаа атеросклерозын улмаас н.а.с б.а.р.д.а.г бөгөөд дэлхий дээр ийм оноштой 132 хүүхэд байна.
Бангладешийн Магура хотод төрсөн 4 настай энэ хүүгийн нэрийг Байезид гэдэг. Хүү, прогери өвчний арьс, дотоод эрхтний өөрчлөлтөд нөлөөлдөг төрлөөр өвдсөн 4 хэн настай ч 80 настай хөгшин шиг дүр төрхтэй. Эмч нар хүүг нэг л өдөр амьдралаа орхих магадлал өндөр байгааг эцэг эхчүүдэд анхааруулжээ.
Байезид хүү энэ өвчнөөр өвчилсөн бусад хүүхдүүдээс ялгарах ялгаа нь оюуны өндөр чадамжтай гэнэ. Мөн түүний ээж 14 насандаа түүнийг төрүүлжээ. Өмнөд Африкт 20 настай эмэгтэй мөн энэхүү хөгшрөлтийн өвчин буюу генетикийн ховор гажигтай хүүхэд төрүүлжээ. Шинээр мэндэлсэн үр нь охин юм байна. Англид төрж 18 нас хүртлээ энэ өвчнөар шаналж явсан охин саяхан н.а.с б.а.р.ж.э.э.
Түүний нэрийг Ашанти гэдэг бөгөөд, бусад өсвөр насны хүүхэд шиг хөдөлгөөнтэй байж чадахгүй байсан ч сэтгэлээр унасан байдал үзүүлдэггүй тэвчээртэй хүчирхэг охин байжээ. Дөрвөн хүүхэдтэй айлын охин бөгөөд аав ээж ах дүү нар нь түүнд маш их хайртай байлаа.
Охин өөрөө жирийн хүүхэд шиг харагдаж, ээж аавыгаа тайван байлгахын тулд бүх зүйлийг хийдэг байжээ. Тэр эрч хүчтэй, хөгжилтэй, үзэл бодлоо чөлөөтэй илэрхийлдэг,тэр ч бүү хэл өөрийгөө гоо үзэсгэлэнтэй гэж үздэг байсан гэнэ.
Ашанти 18 нас хүрсэн өдрөө найзуудтайгаа уушийн газар очиж, коктейль ууж, анх удаа с.о.г.т.о.ж үзсэн нь үнэхээр таалагдсан гэж байлаа. Гаднаас нь харахад охин зуун настай үрчийсэн муухай өвгөн мэт харагдаж байсан ч, зүрх сэтгэлээрээ тэр өсвөр насны охин хүүхэд шүү дээ. Хөөрхий охин 18 нас хүрээд 2 хон сарын дараа өнгөрсөн юм.
Казахстаны Астана хотноо төрсөн 6 настай Ернар Алибеков мөн л энэ өвчний нэг төрөл арьс нь ховхрох өвчтэй бөгөөд Алматы хотод блефаропластик мэс засал хийлгэсэн байна.
Эрнарийн ээж Зибенса хэлэхдээ: – Зовхины арьс нь унжиж, сормуус нь нүдний эвэрлэг бүрхэвчинд хүрч эхэлсэн тул яалт ч үгүй хагалгааны хэрэгцээ үүссэн. Хуванцар мэс заслыг 18 наснаас эхлэн зөвшөөрдөг боловч Ернарийн хувьд эмч нар дүрмээсээ хазайсан байна.
Энэ ажиллагаа өндөр төлбөртэй. Килиа дотогшоо ургаж зовхи нь эргэж, сормуус эвэрлэг бүрхүүлд орж Ернарыг зовоож гараараа эцэс төгсгөлгүй үрж, х.а.л.д.в.а.р авч эхэлсэн.
Исла хэмээх энэ бяцхан охин дөнгөж хоёрхон настай ч охинд мөн л прогери өвчинтэй. Бяцхан Исла доод эрүүний дисплазитай тул хэлээрээ амьсгал боогдох аюултай бөгөөд, унтах үед амьсгалын замыг хаах аюултай болохоор, шөнийн цагаар нөхцөл тусгай төхөөрөмжөөр амьсгалыг хянадаг бөгөөд аав ээж 2 ээлжлэн сахиж хонодог бөгөөд асарч халамжлахын тулд ээж нь ажлаасаа гарсан байна.
Исла хэр удаан амьдрахыг мэдэхгүй. Эмч нар амьсгалын замын ноцтой асуудал нь бяцхан охинд амьдрах боломжийг олгохгүй байх гэж үздэг. Ислагийн ээж, аав хоёр охинтойгоо өнгөрөөж байгаа өдөр бүртээ баярладаг гэнэ. Ингэж л хорвоогийн өнцөг булан бүрт өвчин зовлонг давахын төлөө, үр хүүхдээ эдгээх мөрөөдлөөр амьсгалж, өдөр бүрийг зөвхөн хүүхдүүддээ зориулан амьдарч буй аав ээжүүд…
Үеийн хүүхдүүдийн хөгжилдөхийг ширтэн бяцхан зүрхэндээ шаналал тээх өвчинд нэрвэгдсэн үрс. Чухам ямар гайгаар үүссэн болоод шинээр мэндлэх бяцхан үрсийг сонгож зовоодгийг мэдэхгүй юм. Харин нялх үрсийг эцэг эхээс нь салгах гэсэн ш.у.л.м.ы.н х.а.р.а.а.л мэт, өхөөрдөм хөөрхөн төрхийг нь булаасан өвчинтэй ҮРЭЭ ГЭХ ХАЙРААР тэмцэж байгаа гайхалтай ээж аавыг бахархан магтмаар….
