Тамирчин хүний замнал хэзээ ч ялагдахгүй гэдэгдээ бус хичнээн ялагдсан ч эргэж босож тэмцэж чаддаг сэтгэлийн тэнхээ уйгагүй хөлдмөрдөө л оршдог билээ.
Тэгвэл үүний нэг жишээ болсон Монголын урдаа барих шилдэг тамирчин Жүдогийн спортын ОУХМ Ц.Цогтбаатар. Өдгөө 25 настай Ц.Цогтбаатарыг сэтгэлзүй муу том тэмцээнд өөрийн барилдааныг гаргаж чаддаггүй гэж олон хүмүүс ам уралдан өөрсдийн дураар таамаглаж ярьдаг. Гэвч энэ бүх хугацаанд тэрээр зогсолтгүй тэмцсээр иржээ.
Монголчууд тамирчдаа уухайлан сайн дэмждэг ч ялагдал хүлээх үед дор.омжлож уурлах нь олонтаа. Энэ нь цаадах тамирчиндаа хүртэл ямар их гомдол, гашуун мэдрэмжийг төрүүлдэгийг бодож үздэггүй байх. Харин хамгийн бахархууштай зүйл нь үүнийг огт тоолгүй зөвхөн урагшаа л харж бэлтгэлээ цуцаж унатлаа хийсэн Ц.Цогтбаатар маань Токио 2020 тэмцээний дэвжээн дээр дэвж хэн гэдгээ үзүүлж байна.
2016 оны Риогийн Олимпод сүүлийн минутад ялагдал хүлээж, хогийн сав налаад уйлж суусан 20 настай хүү Ц.Цогтбаатар өнөөдөр шөвгийн дөрөвт шалгарч, Японы домогт жүдоч Олимпын аварга, Дэлхийн гурван удаагийн аварга Оно Шохэйд өвдөг шороодож, Олимпын хүрэл медалийн төлөө Канадын Артур Маргелидонтой барилдаж яллаа.
Тамирчны ялалт хямдхан олдодгүй. УУХАЙ
