Бидний дунд маш их иддэг ч гэсэн огт таргалдаггүй хүмүүс байдаг. Яаж яагаад таргалахгүй байгаа юм бэ гэсэн бодол хүн бүрт л төрдөг. Харин ихэнхдээ тэднийг ген, удамшил зэрэгтэй холбож ойлгодог. Тэгвэл тэд яагаад таргалдаггүй гэдгийг танд тайлбарлаж хүргэе. Энэ бол ямар нэг удамшил биш зүгээр л тэдний өөрийн мэдэлгүй хийдэг зуршлууд байдаг аж.
1. Идэвхитэй амьдралын хэв маяг
Бид заавал цаг гаргаж өглөө эрт гүйж, эсвэл тамирын заалруу явж их дасгал хөдөлгөөн хийж л турна гэж боддог бол үнэндээ зүгээр л ажилруугаа ч юмуу, эсвэл өөр нэг тийшээ явахаар бол хурдан темптэй 30 минут орчим л алхах үед энэ нь чамгүй сайн дасгал болж өгдөг аж. Үргэлж ийш тийшээ яарч явдаг яаруу хүмүүс туранхай байх нь олонтаа гэдэг нь тогтоогджээ.
2. Ус уу танд давтан хэлье ус үргэлж уу
Ус бие эрхтнүүдээс хорт бодисыг гадагшлуулж эд эсүүдэд тэжээлийн бодисыг түгээн чих, хамар, хоолойг чийгшүүлэх үүргийг гүйцэтгэдэг. Хүн өдөр бүр амьсгал, хөлс болон шээсээрээ их хэмжээний ус чийгийг гадагшлуулж байдаг. Харин алдсан усыг хоол хүнс, ундаараа нөхөж нөөцөлдөг юм.
Насанд хүрсэн хүн өдөрт дунджаар 1,5 литр шээс ялгаруулдаг бол нэг литр хэртэй шингэнийг амьсгал болон хөлсөөрөө гадагш алддаг байна. Гаднаас авч буй шингэний 20 хувь нь хоол хүнсээр дамждаг. Иймээс өдөрт ус болон бусад төрлийн шингэнээс 2-4 литрийг ууж байвал алдсан шингэнийг хангалттай нөхөж чадна. Нэг том усны савтай бол та яаж ууж байгаагаа ч анзаарахгүй дуусах болно.
3. Удаан хооллох зуршил
Бурханыг бодож хоолоо удаанаар маш сайн зажилж ид. Хурдан идээд сурцан бол энийг засах эхэндээ хэцүү ч өөртөө үргэлж сануулж байх хэрэгтэй. Энэ бол маш хэрэгтэй зуршлын нэг.
4. Витамины хэрэглээ
Тэр тусмаа ихэнх хүмүүст В ба D витамины хэрэглээ дутагдаж байдаг ба хүний биед маш хэрэгтэй минаралууд. Үүний тулд та хоол хүнсэндээ загас, авакадо, самар зэргийг үргэлж хэрэглэж зуршил болгох шаардлагатай. Таны бие үнэхээр таргалах процессийг мартах болно.
5. Биеийн байдал
Юу ч болсон хаана ч байсан үргэлж нуруу цэх алхаж, сууж байх хэрэгтэй энийг үргэлж сана. Нуруу тэнгэр бөгтийхгүй байх нь гэдэсийг үргэлж чангалж байдаг бөгөөд таргалах нөхцлийг бүрдүүлж өгдөггүй ажээ. Тиймээс үргэлж нуруу цэх гэсэн дүрэмтэй байж өөртөө зуршил болгоорой.
6. Бохь битгий зажил
Бохь шиг ходоодоо сүйтгэдэг зүйл байхгүй. Энэ нь дэмий хоосон ходоодны шүүсийг асар их хэмжээгээр үйлдвэрлээд зогсохгүй. Энэ нь агаарыг залгихад хүргэдэг бөгөөд энэ нь колик, гэдэс дүүрэх болон бусад зовиуруудад хүргэдэг.
Хэрэв та дээр дурдсан бүх зуршлыг өөртөө бий болгож дагаж мөрдвөл ямар ч хоолны дэглэм барих шаардлагагүй гагцхүү нэг дор битгий их ид. Энэ нийтлэл танд тустай байсан гэж найдаж байна! Хэрвээ танд таалагдсан бол бусад хүмүүстэй хуваалцаарай.
