Home Дотоод мэдээ ЕСӨН ДҮҮ, БЯЦХАН ОХИНОО ӨСГӨЖ БАЙГАА Б.АРИУНБОЛОР БАЙРТАЙ БОЛЛОО

ЕСӨН ДҮҮ, БЯЦХАН ОХИНОО ӨСГӨЖ БАЙГАА Б.АРИУНБОЛОР БАЙРТАЙ БОЛЛОО

1 second read
0
2
1,258

Ангууч хочит, тулаанч Б.Баттөр төрсөн өдрөөрөө найман дүүгээ өсгөж байгаа Б.Ариунболор охиныг байртай болгохоор амласан билээ. Түүний өрнүүлсэн аяны хүрээнд монголын ард түмнээс 60 сая төгрөг бүрдээд байсан. Тэгвэл өнөөдөр Улаанбаатар группээс 105 сая төгрөг гаргаж Б.Ариунболор охин гурван өрөө байртай болж байгаа баярт мэдээг дуулгалаа.

Хүүхдийн баяртай холбогдуулаад Улаанбаатар группээс 310 сая төгрөгийн үнэ бүхий орон сууц гардуулах үйл ажиллагаа боллоо. Энэ ажлын хүрээнд Ангуучийн өрнүүлсэн аянд нэгджээ.

Ангууч Б.Баттөр “Анх наадмаар Б.Ариунболор охин 10 дүүгээ дагуулаад манай гал дээр ирж байсан. Ахаа туслаач, дүү нараа хүний дайтай өсгөх чин хүсэл байна. Одоо байр түрээслэж үсчин хийж байгаа ч олсон мөнгө маань түрээсэнд яваад хүндхэн байна гээд хандсан.

Тэрээр асрах төвд байсан дүү нарынхаа араас хөөцөлдөж өргөдөл өгч бүх дүү нараа өөр дээрээ авч чадсан. Тиймээс би өөрийн төрсөн өдрөөрөө сайн үйлсийн аян өрнүүлсэн. Би тэднийг тухтай, тоглоомын талбайтай аюулгүй байлгах байранд оруулж чадах болов уу гэж их айж байсан. Өнөөдөр энэ том группийг манлайлж байгаа залуу хүн биднийг дэмжсэнд маш их баяртай байгаа. Өнөөдөр мөрөөдөл биелж байна” гэлээ.

Б.Ариунболор “Ам бүл 11-үүлээ амьдардаг. Ээжийгээ гэнэтийн ослоор алдаад, хэдэн дүү нараа асрахад өгөхөд энэ хорвоо дээр ганцаараа үлдсэн юм санагдаж байсан. Тухайн үед тусалж байсан бүх хүнд баярлалаа.

Байранд ороод дүү нараа асрахаас аваад элэг бүтэн амьдрах боломж олгож байгаа бүх хүмүүст маш их баярлалаа. Өмнө нь эвгүй байдал гаргасан. Буруу ойлголт үүсэж, буруу үйлдэл гаргасан байна лээ. Энэ бүх зүйлдээ монголчуудаасаа уучлал хүсэж байна. Та бүхэн 11 хүний амьдралд үнэхээр том аз жаргал бэлэглэлээ” хэмээн нулимс дуслуулан баярын сэтгэгдлээ хуваалцлаа.

Үсчин мэргэжилтэй тэрээр гэрээрээ үс засан дүү нараа л боловсролтой хүн болгохын төлөө хичээнэ хэмээн ярьж байсан юм.

Эх сурвалж: Urug

Load More Related Articles
Load More By yummymn
Load More In Дотоод мэдээ

Leave a Reply

Your email address will not be published. Required fields are marked *

Check Also

Хятад улсыг цочроосон гэмт хэргийн эзэд ялын дээд хэмжээ авчээ. Энэ тухай олон нийтийн сүлжээнд…

Хятадад 2020 онд шинэ гэр бүл зохиохын тулд 2 настай охин, 1 настай хүүгээ хөнөөсөн харамс…