Ерөнхийлөгчийн зарлигаар жүжигчин А.Цэгмэдэд Монгол Улсын Гавьяат жүжигчин цол олголоо. Жүжигчин А.Цэгмэд нь Монголын кино урлагийн салбарын алтан үеийн төлөөлөл болсон уран бүтээлчдийн нэг юм.
Тэрбээр, “Өндөр ээж”, “Мартагдсан дууль”, “Анхны яргуй”, “Их замын тоос”, “Нийслэл хүүхэн” зэрэг олон уран сайхны кинонууд болон “Ану хатан”, “Улаан дөрвөлжин’, “Хунгийн сүүлчийн дуу” гэх мэт хэдэн арван тайз, дэлгэцийн дүрээрээ үзэгчдийн сэтгэлд хоногшсон уран бүтээлч билээ.
Мөн сэргэлэн адтай, алаг нүдэн жүжигчин, ододтой бүжиглэе шоу нэвтрүүлгийн шилдэг оролцогч Д.Ганцэцэг бүсгүйг хүмүүс “Жинжиймаа”, “Надаар тоглосон хайр”, “Бооцоо” зэрэг тайз, дэлгэцийн бүтээлд тоглосон маш олон олон дүрээр нь андахгүй. “Алтан гадас” одонт жүжигчин Д.Ганцэцэг өнөөдөр МУГЖ цолоор энгэрээ мялаалаа.
Хоёр мундаг жүжигчиндээ аз жаргал хүсье.
